ஸ்ரீ ரமணா ஜோதிட கேந்திரம்

ஸ்ரீ விரிஞ்சி யோகம் விதியும் பலனும் Sri Virinchi Yogam in Tamil - ஜோதிட ராஜ யோகங்கள் பகுதி

ஜோதிடத்தில் உள்ள ராஜ யோகங்கள் பற்றி சில சில யோகங்களாக இந்த பகுதிகளில் பார்போம், ஒன்றை எப்போதும் ஞாபகம் வைத்துக்கொள்ளுங்கள் எந்த  ராஜ யோகங்கள் ஆனாலும் அது லக்னத்திற்கும் நல்ல நிலையும், நட்சத்திர பலமும், மற்ற அம்சங்களில் நல்ல ஸ்தான பலனும், வேறு எந்த வகையிலும் தோஷப்படாமலும் சிறந்த சுப பலமும் பெற்று அமைந்தால் தான் அந்த ராஜயோகங்களின் பலனை ஜாதகர் முழுமையாக பெற முடியும் என்பது ஞாபகம் இருக்கட்டும். மேலும் சில யோக அமைப்புகளுக்கு அந்த யோக அமைப்புக்கு காரணமான கிரகசார திசா புத்திகள் நடைபெறும் காலம் வந்தால் தான் யோக அமைப்புக்கான பலன்கள் வந்து சேரும் என்பது ஞாபகம் இருக்கட்டும்.

ஸ்ரீ விரிஞ்சி யோகம் -

ஜோதிட சாஸ்திரத்தில் ராசிச் சக்கரத்தில் பாக்கிய ஸ்தானமான ஒன்பதாம் வீட்டின் அதிபதி கிரகம், புதன் மற்றும் சுக்கிரன் ஆகிய மூன்று கிரகங்களும் ஒருவருடைய ஜாதகத்தில் ராசிச் சக்கரத்தில் உச்ச வீடு, ஆட்சி வீடு, நட்பு வீடு அத்துடன் கேந்திரம் அல்லது திரிகோண வீடுகளிலும் இருந்தால், அதனால் ஏற்படும் யோகம் ஸ்ரீநாத யோகம் ஆகும்.

இதன் பலன்கள் -

இந்த யோகம் தரும் பலன்களாவன சரியாகப் பொருந்தி உயர்ந்த அமைப்பில் அமைந்திருக்கும் விரிஞ்சி யோகம் என்பது நூறு பிறவிகள் வரை தனது கடமைகளில் நம்பிக்கையுடன் நல்ல முறையில் முழுமையாக ஈடுபட்டவர்களுக்கு இந்த விரிஞ்ச யோகம் ஏற்படுகிறது அவர்கள் அவதாரங்களாக விளங்குகிறார்கள் ஸ்ரீராமர் பிறப்பு ஜாதகம் மற்றும் ஸ்ரீ ராமகிருஷ்ண பரமஹம்சர் ஜாதகம் போன்றவற்றில் இந்த யோகம் முழுமையாக அமையப் பெற்றிருப்பதை பார்க்க முடிகிறது ஆனால் ஓரளவிற்கு இந்த யோகம் அமையப் பெற்ற ஜாதகர்கள் சுய அறிவுத்திறன் உள்ளவர்கள், படைப்பாற்றல் மிக்கவர்களாக இருப்பார்கள், புத்திசாலியாக இருப்பார்கள், வாழ்க்கையின் ஆரம்பத்தில் செய்த தவறுகளை குற்றங்களை திருத்திக்கொண்டு பின்வரும் வாழ்க்கையில் நன்னடத்தை விதிகளில் இருந்து அவர்கள் ஒருபோதும் மாறாமல் வாழ்ந்து காட்டுவார்கள் மேலும் களங்கமற்ற தூய்மையானவர்களாக மாறிப் போவார்கள் , கற்பனை வளம் மிக்கவர்கள், வேத உபநிடத சாஸ்திரங்கள் சொல்லும் செய்திகளை அறிந்தவர்கள், எப்போதும் உள்ளத்தில் மகிழ்ச்சியாக இருப்பார்கள். அவருக்குப் பல புகழ்பெற்ற சீடர்கள் இருப்பார்கள். தனது பேச்சில் இனிமையாகவும், உன்னதமாகவும் இருப்பார்கள். தேவையான செல்வம், குழந்தைகள், நல்ல மனைவி கிடைக்கப்பெற்று ஆசீர்வதிக்கப் படுவார்கள். ஆன்மீகப் பொலிவுடன் பிரகாசிப்பார்கள். அவர் நீண்ட ஆயுளுடன் இருப்பார்கள், தனது புலன்களை உணர்ச்சிகளை முழுமையாகக் கட்டுப்படுத்துவார்கள், மன்னர்களால் மதிக்கப்படுவார்கள்.