கைரேகையும் ஜோதிடமும் பகுதி 4 - புதன் மேடு…
கைரேகையும் ஜோதிடமும் பகுதி 4 - புதன் மேடு…
மனித வாழ்வை காலந்தொட்டு கணிக்க உதவும் வேத ஜோதிடத்திற்கு பிறகு அடியேனால்
மிக மதிக்கபடும் கணிதங்கள் கைரேகை ஜோதிடம் மற்றும் நாடிஜோதிடம் ஆகும். இதில் கைரேகை ஜோதிடத்தில் மற்றும்
நாடிஜோதிடத்தில் எனக்கு பெரிய படிப்பும் மற்றும் அனுபவமும் இல்லையேன்றாலும் வேத
ஜோதிடத்தை ஒட்டிய ஒப்பீடு ஆன சில கருத்துகளை படித்துள்ளேன் அதில் வேத ஜோதிடத்தில் எப்படி நவகிரகங்கள்
இருக்கின்றனவோ அது போல கைரேகையிலும் இராகு கேது தவிர சப்தகிரகங்களின் தொடர்பு
இருக்கிறது அதை கைரேகையில் கிரக ஆதிக்க மேடுகள் என்று அழைக்கப்படுகிறது அந்த
சப்தகிரக மேடுகளுடன் நமது வேத ஜோதிட கிரக
மற்றும் ஸ்தான காரகத்துவங்களையும் சேர்த்து ஒப்பிட்டு இந்த பதிவை படித்த மற்றும்
அனுபவ அறிவையும் இணைத்து எழுதுகிறேன்.
கைரேகையில் புதன் மேடு சுண்டு விரலுக்கு கீழ் உள்ள பகுதி தான் புதன் மேடு
என்று அழைக்கப்படுகிறது ஐந்து விரல்களில் சிறிய விரலானலும் அதன் அடியில் பெரிய
சதுர்ய புத்தி, பகுத்தறிவு திறனை
காட்டும் முக்கிய மேடாக இது உள்ளது. ஜோதிடத்தில் புதன் எப்படி சூரிய, சந்திர பலத்தை ஒட்டி அதன் கதிர் பலங்களை அமைக்க பட்டுள்ளதோ அது போலவே
கைரேகை சாஸ்திரத்திலும் புதன் மேட்டின் பலம் சந்திர மேடு,
சூரிய மேடு, எண்ண
ரேகை பலத்தை ஒட்டி இந்த புதன் மேட்டின் பலன்களும் அமையும்.
புதனின் காரக பலமாக இருப்பது சதுர்ய புத்தி, பகுத்தறிவு, நரம்பு, தகவல் தொடர்பு, வியாபாரம், நிதி, கணக்கு, பாண்டித்தியம், ஜோதிட
ஞானம், மந்திர தந்திரம், அறிவுரைகள், குற்றம், தில்லுமுல்லு, பொய்முகம்
ஆகியவை ஆகும். இதை
ஜாதக மற்றும் கைரேகையோடு ஒப்பிட்டு அமைத்து பார்க்கும் போது ஜாதகத்திலும் மற்றும்
கைரேகையிலும் இந்த புதன் இருப்பு நன்றாக அமைந்தால் மேலே சொன்ன பலன்கள் சிறப்பான
முறையில் அமையும். அதாவது
கைரேகையில் இந்த புதன் மேடு பருத்து பரந்து நல்ல மேல் நோக்கிய சுருள் உடன் மேலும்
நல்ல குறிகளுடனும் (நட்சத்திரம், சதுரம்...) அமைந்தால் நல்லது. அதே
சமயம் புதன் மேடு அதிக உச்சம் அடைவதும் அதிக நீசம் அடைவதும் இரண்டும் வேறுவேறு
வகையில் பிரச்சினைகளை தரக்கூடிய தாக அமையும். அதே போல ஜாதகத்தில் புதனும் மற்றும் அதன் ஸ்தானங்களில் முக்கியமாக 3,6 ஆம் ஸ்தானமும் மற்றும் அதற்கு அடுத்து 4, 8, 12 ஆம் ஸ்தானமும் புதனின் பலத்தை
பிரதிபளிக்கும் ஸ்தானங்கள் ஆகும். இவ்வாறு
உள்ள அமைப்புகள் ஜாதகத்தில் நல்லவிதமாக அமைய புதனின் காரக பலம் வாழ்வில் பலப்படும்.
- ஜோதிஷ் சிவதத்துவ சிவம்
0 Response to "கைரேகையும் ஜோதிடமும் பகுதி 4 - புதன் மேடு…"
கருத்துரையிடுக