ஸ்ரீ ரமணா ஜோதிட கேந்திரம்

சூரியன் புதன் சேர்ந்து முதல் கேந்திரமான 1 ஆம் வீடான லக்னத்தில் இருந்தால் சுயமான சிந்தனாசக்தி உடையவராக இருக்க வாய்ப்பு அதிகம், புதிய வாய்ப்புகளை தேடி செல்லக்கூடியவர், மிகவும் கற்றவராக இருக்கலாம், மிகுதியாகப் பேசுகிற தன்மை, வலுவான கைகால்கள், சாகசங்களை விரும்புவார், புத்திசாலித்தனத்தை வெளிபடுத்தக் கூடிய காரியவாதி, சுற்றியுள்ள சூழலுக்கு உண்டான தகவல்களை அறிந்தவர், ஆயுள் பலம் கொடுக்கும், பிரகாசமான முகத்தையும் கொடுக்கும்.

சூரியன் புதன் சேர்ந்து இரண்டாம் கேந்திரமான 4 ஆம் வீட்டில் இருந்தால் ராஜாவுக்கு சமமாக இருப்பார் என்று சில நூல்கள் சிறப்பித்து கூறுகிறது ராஜாவுக்கு சமமாக இருப்பாரோ இல்லையோ ராஜாவை போல நடந்து கொள்ள முயற்சிக்கலாம், புகழ்பெற்றவனாகவும் மற்றும் திறமைசாலியாகவும் இருப்பார்கள், கொடுத்த வாக்குறுதியைக் கடைப்பிடிக்க முடிந்தளவுக்கு முயற்சிக்க கூடியவர்கள், ஒரளவுக்கு சமமான செல்வ வசதிகளை பெற்றவர்கள், சூரியன் புதன் சேர்ந்து வலிமை அடைந்திருந்ததால் சிறப்பான வீடு வாசல் யோகம் அமையும், புஷ்டியான உடம்பும் திடகாத்திரமான மார்பும் அமையும்.

சூரியன் புதன் சேர்ந்து மூன்றாம் கேந்திரமான 7 ஆம் வீட்டில் இருந்தால் நண்பர்கள் நிறைய இருக்கலாம் ஆனாலும் குத்திக்காட்டுகிற அல்லது வெறுப்பூட்டுகின்ற சில இயல்புகள் இவருக்கு உண்டாகலாம் அதனால் நட்பு பாதிக்கபடலாம், காதல் ஆசா பாசங்களில் விருப்பம் உள்ளவர், விஷயங்கள் தெந்தரவு தரகிறது என்றால் அந்த விஷயங்களில் இருந்து நழுவி விடக்கூடியவர், திட்டமிடக்கூடிய காரியங்களை தேவையான துணைகளை கொண்டே முடிக்கபார்பார், பொதுவாக அந்தரங்க விஷயங்களை கேட்க ஆர்வமுள்ளவர்.

சூரியன் புதன் சேர்ந்து மூன்றாம் கேந்திரமான 10 ஆம் வீட்டில் இருந்தால் புகழ்பெற்றவராகவும் மற்றும் திறமைசாலியாகவும் இருப்பார்கள், சொந்தமாக வீடு அல்லது நிலம் இருப்பதற்கான வாய்ப்பு அதிகம், வாகன வசதிகள் சிறப்பாக அமையலாம், தொழில் சோர்வு இல்லாமல் நடந்து கொண்டார் என்றால் சுயமான முன்னேற்றத்தை தான் ஈடுபடும் தொழிலில் அடைவார், லட்சியவாதி, முன்னேற்பாடுகள் கவனமானவர்.